මිසයිල ප්රහාර වීඩියෝ කළ 21කට එමීර් රාජ්යයේ සයිබර් නීතියෙන් වැටෙයි: බ්රිතාන්ය සංචාරකයෙකුත් අත්අඩංගුවේ
විශේෂ ජාත්යන්තර පුවත් වාර්තාව – දියත නිවුස් නිව්සීලන්තය (Diyatha News New Zealand)
ඩුබායි, එමීර් රාජ්යය — 2026 මාර්තු 14 — ඉරානය සහ ඇමෙරිකා-ඊශ්රායල පාර්ශවය අතර පවතින යුද්ධය හමුවේ එමීර් රාජ්යයේ ආරක්ෂාවට තර්ජනයක් වන අයුරින් තොරතුරු ප්රචාරය කරන පුද්ගලයන් ඉලක්ක කර ගනිමින් එරට රජය දැඩි නීතිමය පියවර ගැනීම ආරම්භ කර ඇත.
1. අත්අඩංගුවට ගැනීම් සහ චෝදනා
අත්අඩංගුවට පත් වූවන් අතර ඩුබායි හි සංචාරයක නිරත වූ බ්රිතාන්ය ජාතිකයෙකු ද සිටින බව ‘Detained in Dubai’ නමැති නීති ආධාර සපයන ආයතනය තහවුරු කරයි.
- චෝදනාව: මහජනතාව භීතියට පත් කිරීම, කටකතා පැතිරවීම හෝ ජාතික ආරක්ෂාවට තර්ජනයක් වන අයුරින් ප්රහාරවල දර්ශන ප්රචාරය කිරීම.
- සිදුවීම: අදාළ බ්රිතාන්ය ජාතිකයා තම හිසට ඉහළින් මිසයිලයක් ගමන් කරන අයුරු වීඩියෝ කර ඇති අතර, පොලිසිය දැනුම් දුන් වහාම එය මකා දැමූ බව පැවසේ. එසේ වුවද ඔහුව අත්අඩංගුවට ගෙන ඇත.
- වෙනත් ජාතිකයන්: පාම් අයිලන්ඩ්ස් (Palm Islands) වෙත එල්ල වූ ප්රහාරයක් වීඩියෝ කර තම පවුලේ සාමාජිකයන්ට යැවූ ඉන්දීය ශිෂ්යයෙකු ද දැනට අත්අඩංගුවේ පසුවෙයි.
2. දරුණු දඬුවම්
එක්සත් අරාබි එමීර් රාජ්යයේ සයිබර් නීති උල්ලංඝනය කිරීම සඳහා පැනවිය හැකි අවම දඬුවම් මෙසේය:
- සිර දඬුවම: අවම වශයෙන් වසර 2ක සිර දඬුවමක්.
- දඩය: එමීර් රාජ්යයේ ඩිනාර් 200,000ක් (නවසීලන්ත ඩොලර් 93,000කට ආසන්න මුදලක්).
- අමතර නීති: වීඩියෝවක් නැවත ප්රචාරය කිරීම (Repost) හෝ ඒ යටතේ අදහස් දැක්වීම (Comment) පවා නීතිය හමුවේ වරදක් ලෙස සැලකිය හැකිය.
3. එමීර් රාජ්යයේ සහ බ්රිතාන්ය තානාපති කාර්යාලයේ අනතුරු ඇඟවීම
යුද්ධය ආරම්භ වූ දා සිට එමීර් රාජ්යයට ද්රෝණ සහ මිසයිල 1,800කට අධික ප්රමාණයක් එල්ල වී ඇති අතර, පුද්ගලයන් 6 දෙනෙකු මියගොස් 141 දෙනෙකු තුවාල ලබා ඇත.
- රජයේ ස්ථාවරය: ප්රහාරවල දර්ශන වීඩියෝ නොකරන ලෙසත්, කඩා වැටෙන සුන්බුන්වලින් ආරක්ෂා වන ලෙසත් රජය ජනතාවගෙන් ඉල්ලා සිටී.
- බ්රිතාන්ය වැසියන්ට උපදෙස්: එක්සත් අරාබි එමීර් රාජ්යයේ සිටින බ්රිතාන්ය ජාතිකයන්ට ද එරට නීතිවලට යටත්ව කටයුතු කරන ලෙසත්, එසේ නොවුණහොත් දඩ, සිර දඬුවම් හෝ රටින් පිටුවහල් කිරීමට (Deportation) මුහුණ දීමට සිදුවනු ඇති බවත් බ්රිතාන්ය තානාපති කාර්යාලය පවසා ඇත.
